Awdurdod Parc Cenedlaethol Arfordir Sir Benfro
Cynorthwyydd Arlwyo
Graddfa 1 (SCP 1 - 3)
Cyflog £12.65 yr awr

Oriau rhan-amser ar gael o fis Awst i ddechrau mis Tachwedd.
Cyfleoedd newydd cyffrous ar gael i ymuno â'r tîm yng Nghastell a Melin Lanw Caeriw fel Cynorthwyydd Arlwyo.

Mae Castell a Melin Lanw Caeriw yn atyniad treftadaeth arobryn sy'n croesawu tua 55,000 o ymwelwyr yn flynyddol. Dyfarnwyd yr Atyniad Gorau i Ymwelwyr i'r safle yng Ngwobrau Croeso Sir Benfro 2024/2025 a Gwobrau Twristiaeth De-orllewin Cymru.
Yn y swydd hon byddwch yn weithiwr proffesiynol a chyfeillgar bob amser. Yn sicrhau gwasanaeth prydlon, yn cymryd archebion a gweini cwsmeriaid yn effeithlon. Yn cadw mannau gwaith yn drefnus a'r gegin yn daclus, yn clirio byrddau, yn golchi llestri a gwneud y gwaith glanhau.

Byddwch yn cadw at bob gweithdrefn a pholisi perthnasol sy'n ymwneud â diogelwch bwyd, alergeddau, COSHH, gwerthu alcohol ac ati.
Byddwch yn paratoi bwyd gan gynnwys bwyd cartref. Byddwch yn paratoi amrywiaeth o ddiodydd poeth ac oer dull barista drwy ddefnyddio'r peiriant espresso ac offer arall.
Rydych yn berson digyffro dan bwysau, yn ddibynadwy â lefelau rhagorol o wasanaeth cwsmeriaid a phersonoliaeth gyfeillgar a chroesawgar.
Bydd gennych brofiad blaenorol o weithio mewn caffi neu mewn amgylchedd arlwyo.
Rhoddir hyfforddiant llawn.

Cymerwch olwg ar y disgrifiad swydd am fanylion llawn y swydd a'r cyfrifoldebau.
Rydym wedi ymrwymo i gyfle cyfartal i bob aelod o staff ac anogir ceisiadau gan unigolion waeth beth fo’u hoedran, anabledd, rhyw, ailbennu rhywedd, cyfeiriadedd rhywiol, beichiogrwydd a mamolaeth, hil, crefydd neu gred a phriodas a phartneriaethau sifil.

Rydym yn addo gwella amrywiaeth ein gweithlu ac felly'n gwarantu cyfweliad i ymgeiswyr anabl sy'n bodloni meini prawf hanfodol y swydd ac yn dewis gwneud cais drwy ein Cynllun Cyflogwyr Hyderus o ran Anabledd.

Dyddiad Cau: 09/08/2026

Cynorthwyydd Gwasanaethau Cwsmeriaid
Parhaol - 18.5 awr yr wythnos

Mae Awdurdod Parc Cenedlaethol Arfordir Penfro yn chwilio am Gynorthwyydd Gwasanaethau Cwsmeriaid brwdfrydig sy'n canolbwyntio ar y cwsmer i ddarparu gwasanaeth rheng flaen o ansawdd uchel. Mae hon yn swydd amrywiol lle byddwch yn bwynt cyswllt cyntaf i'r cyhoedd, gan roi gwybodaeth gywir, a sicrhau bod y profiad i gwsmeriaid bob amser yn gadarnhaol.

Ein tîm gwasanaeth cwsmeriaid yw’r pwynt cyswllt cyntaf i'r cyhoedd, gan ymateb i ystod eang o ymholiadau drwy’r e-bost, dros y ffôn, a wyneb yn wyneb, gan sicrhau bod pob ymholiad yn cael ei ddatrys yn effeithlon ac i gasgliad boddhaol.

Byddem wrth ein bodd yn clywed gennych os oes gennych y canlynol:

- Profiad o ddelio â'r cyhoedd, wyneb yn wyneb a dros y ffôn
- Gwybodaeth a dealltwriaeth o gymwysiadau Microsoft Office
- Y gallu i gyfathrebu yn glir ac yn effeithiol, gan gadw cyfrinachedd a disgresiwn
- Y gallu i fod yn flaengar a gweithio'n annibynnol
- Agwedd gwrtais, ystyriol a hyderus
- Mae sgiliau yn y Gymraeg yn hanfodol ar gyfer y swydd hon
- Y gallu i gynnal sgwrs yn y Gymraeg (Lefel B2) a'r Saesneg

Cyfeirier at y disgrifiad swydd (sydd ar gael i'w lawrlwytho) am ragor o wybodaeth.

Cyflog a Buddion:

Cyflog o £25,185 - £26,403 y flwyddyn, lleiafswm o 25 diwrnod o wyliau yn codi i 30 diwrnod ynghyd â gwyliau cyhoeddus (pro rata), cynllun pensiwn hael llywodraeth leol, trefniadau gwych o weithio oriau hyblyg a chyfleoedd datblygu gyrfa.

Rydym wedi ymrwymo i gyfle cyfartal i bob aelod o staff, ac anogir ceisiadau gan unigolion waeth beth fo'u hoedran, anabledd, rhyw, ailbennu rhywedd, cyfeiriadedd rhywiol, beichiogrwydd a mamolaeth, hil, crefydd neu gred a phriodas a phartneriaethau sifil.

Rydym yn addo gwella amrywiaeth ein gweithlu ac felly'n gwarantu cyfweliad i ymgeiswyr anabl, sy'n bodloni meini prawf hanfodol y swydd ac yn dewis gwneud cais drwy ein Cynllun Cyflogwyr Hyderus o ran Anabledd.

Nid y swydd iawn i chi? Cofiwch gael golwg ar ein gwefan am ystod eang o gyfleoedd gwirfoddoli amrywiol a diddorol ar draws y Parc.

Dyddiad Cau: 09/08/2026

Mae Awdurdod Parc Cenedlaethol Arfordir Penfro yn neilltuo’r hawl i gau'r swydd wag hon yn gynnar.