Gweinyddwr Gwasanaethau Pobl (Swydd Tymor Penodol o 6 mis)
Rhan-amser (Dydd Mercher, Iau a Gwener)
Mae cyfle prin a chyffrous wedi codi i chi ymuno â Thîm Gwasanaethau Pobl Parc Cenedlaethol Arfordir Penfro.
Rydym yn dîm blaengar a deinamig sy'n cynnwys Adnoddau Dynol, Iechyd a Diogelwch, Gwasanaethau Democrataidd, a Gwirfoddoli. Rydym yn ymwneud â rhai prosiectau heriol a diddorol gan gynnwys gweithredu'r Adolygiad Cyflogau a Graddfeydd; integreiddio Gwirfoddoli i’n tîm, lles gweithwyr a llu o brosiectau eraill i ategu Cynllun Corfforaethol Parc Cenedlaethol Arfordir Penfro.
Os ydych yn weinyddwr profiadol ac yn chwaraewr tîm sydd am ddefnyddio'ch sgiliau a'ch profiad ar draws ystod eang o dasgau mewn amgylchedd cyfeillgar a chadarnhaol, yna hoffem glywed gennych.
Bydd yr ymgeisydd llwyddiannus yn gallu dangos:
• Gwybodaeth am Adnoddau Dynol ac Iechyd a Diogelwch.
• Sgiliau trefnu.
• Sgiliau rhyngbersonol cadarn a phrofiad o weithio mewn tîm.
• Profiad o weithio i derfynau amser.

Cyflog a Buddion:
Cyflog o £24,702- £25,979 pro rata y flwyddyn, lleiafswm o 25 diwrnod o wyliau yn codi i 30 diwrnod ynghyd â gwyliau cyhoeddus, cynllun pensiwn hael llywodraeth leol, trefniadau gwych o weithio oriau hyblyg a chyfleoedd datblygu gyrfa.

Rydym wedi ymrwymo i gyfle cyfartal i bob aelod o staff, ac anogir ceisiadau gan unigolion waeth beth fo'u hoedran, anabledd, rhyw, ailbennu rhywedd, cyfeiriadedd rhywiol, beichiogrwydd a mamolaeth, hil, crefydd neu gred a phriodas a phartneriaethau sifil.

Rydym yn addo gwella amrywiaeth ein gweithlu ac felly'n gwarantu cyfweliad i ymgeiswyr anabl, sy'n bodloni meini prawf hanfodol y swydd ac yn dewis gwneud cais drwy ein Cynllun Cyflogwyr Hyderus o ran Anabledd.

Nid y swydd iawn i chi? Cofiwch gael golwg ar ein gwefan am ystod eang o gyfleoedd gwirfoddoli amrywiol a diddorol ar draws y Parc.

Dyddiad Cau: 26/10/2024
Mae Awdurdod Parc Cenedlaethol Arfordir Penfro yn neilltuo’r hawl i gau'r swydd wag hon yn gynnar.

Rheolwr Rhaglen Adfer Natur

Mae Tirweddau Cymru yn cynnig cyfle cyffrous i unigolyn sydd â phrofiad o ddylunio cynlluniau grant a datblygu prosiectau adfer natur, i arwain ar ddatblygu rhaglen newydd o adfer natur fydd yn cefnogi ffermwyr a pherchnogion tir yn y Parciau Cenedlaethol a’r Tirweddau Cenedlaethol yng Nghymru i gyfrannu at fynd i’r afael â’r argyfwng natur.

Mae gan y Tirweddau Dynodedig hanes blaenorol o reoli rhaglenni amaeth-amgylcheddol ar ran partneriaethau. Bydd y cynllun newydd hwn a ariennir gan Lywodraeth Cymru yn integreiddio’r cymhellion ar gyfer arferion ffermio cadarnhaol â dibenion y Tirweddau Dynodedig. Bydd yn cynnwys prosiectau cydweithredol ar yr amgylchedd, ar adfer natur ac ar liniaru effeithiau newid hinsawdd, ar glystyrau o ffermydd o fewn pob Tirwedd Ddynodedig. Bydd y rhaglen yn chwarae rhan ganolog yn y gwaith o gyflawni ymrwymiad Llywodraeth Cymru i ddod â 30% o dir dan reolaeth effeithiol ar gyfer byd natur erbyn 2030 (30x30) ac mae gan y rhaglen y potensial o gefnogi ac ategu’r Cynllun Ffermio Cynaliadwy.

Bydd y rhaglen yn cael ei chyflwyno ar draws yr 8 o Dirweddau Dynodedig ledled Cymru gyda Rheolwr Rhaglen sy'n gweithio i Bartneriaeth Tirweddau Cymru yn cydgysylltu'r cynllun cyfan. Awdurdod Parc Cenedlaethol Arfordir Penfro fydd yn cynnal y swydd ond bydd y rheolwr yn gweithio ar draws pob un o’r Tirweddau Dynodedig yng Nghymru. Rydym felly yn chwilio am unigolyn profiadol, rhagweithiol all arwain y gwaith o oruchwylio’r cyfnod sefydlu (tan fis Ebrill 2025) a’r cyfnodau cyflawni dilynol (Ebrill 2025 i Fawrth 2028).

Bydd yr ymgeisydd llwyddiannus yn gallu dangos:
• Profiad o ddatblygu a gweithredu rhaglenni dyfarnu a rheoli grantiau.
• Profiad sylweddol o gyflawni prosiectau a rhaglenni llwyddiannus mewn rôl sy'n gweithio gyda’r cyhoedd mewn adfer byd natur neu faes tebyg.
• Sgiliau rhagorol o reoli prosiect.
• Sgiliau cyfathrebu rhyngbersonol, ysgrifenedig a llafar rhagorol, yn enwedig sgiliau gwrando a thrafod.
• Profiad o weithio ar hyd a lled Cymru.
• Profiad o weithio gyda'r cyhoedd, cyrff cyhoeddus a’r trydydd sector, aelodau etholedig a chynrychiolwyr cyhoeddus eraill.
• Profiad o reoli tîm o staff.
• Profiad o reoli adnoddau ariannol a bod yn atebol am arian cyhoeddus.

Bydd yr ymgeisydd llwyddiannus yn cael ei gyflogi gan Awdurdod Parc Cenedlaethol Arfordir Penfro, fodd bynnag, gall fod yn gweithio yn unrhyw le yng Nghymru. Bydd opsiynau o weithio gartref neu fod yn gweithio yn unrhyw un o'r wyth o Dirweddau Dynodedig yn cael eu hystyried. Bydd angen i'r ymgeisydd llwyddiannus deithio ledled Cymru.

Mae’r swydd hon wedi’i chyfyngu’n wleidyddol yn unol â Deddf Llywodraeth Leol a Thai 1989.

Bydd secondiad o sefydliad arall yn cael ei ystyried.

Ariennir y swydd gan Lywodraeth Cymru a bydd yn dibynnu ar y cyllid sydd ar gael. I ddechrau disgwylir y bydd y swydd yn parhau tan fis Mawrth 2028, gyda'r posibilrwydd o barhau yn amodol ar gyllid.

Am sgwrs anffurfiol am y swydd cysyllter â: Tegryn Jones ar 01646 624801 neu tegrynj@arfordirpenfro.org.uk

Cyflog a Buddion:
Cyflog o £42,403 y flwyddyn, lleiafswm o 25 diwrnod o wyliau yn codi i 30 diwrnod ynghyd â gwyliau cyhoeddus, cynllun pensiwn hael llywodraeth leol, trefniadau gwych o weithio oriau hyblyg a chyfleoedd datblygu gyrfa.

Rydym wedi ymrwymo i gyfle cyfartal i bob aelod o staff, ac anogir ceisiadau gan unigolion waeth beth fo'u hoedran, anabledd, rhyw, ailbennu rhywedd, cyfeiriadedd rhywiol, beichiogrwydd a mamolaeth, hil, crefydd neu gred a phriodas a phartneriaethau sifil.

Rydym yn addo gwella amrywiaeth ein gweithlu ac felly'n gwarantu cyfweliad i ymgeiswyr anabl, sy'n bodloni meini prawf hanfodol y swydd ac yn dewis gwneud cais drwy ein Cynllun Cyflogwyr Hyderus o ran Anabledd.

Nid y swydd iawn i chi? Cofiwch gael golwg ar ein gwefan am ystod eang o gyfleoedd gwirfoddoli amrywiol a diddorol ar draws y Parc.

Dyddiad Cau: 13/10/2024
Mae Awdurdod Parc Cenedlaethol Arfordir Penfro yn neilltuo’r hawl i gau'r swydd wag hon yn gynnar.