Mae’r Pwyllgor Safonau yn chwarae rhan ganolog yn y fframwaith moesegol sy’n rheoli ymddygiad Aelodau Awdurdod Parc Cenedlaethol Arfordir Penfro. Mae pob Aelod wedi ymrwymo i gadw at y Cod Ymddygiad, a phrif swyddogaeth y Pwyllgor yw hyrwyddo a chynnal safonau uchel o ymddygiad gan yr Aelodau hyn a’u cynorthwyo i lynu at God Ymddygiad yr Aelodau.

Mae rhai swyddogaethau penodol gan y Pwyllgor gan gynnwys ystyried cwynion bod yr Aelodau wedi torri’r Cod Ymddygiad, a phennu cosb lle bo hynny’n briodol. Hefyd y Pwyllgor sy’n ystyried ceisiadau gan yr Aelodau am oddefeb i’w caniatáu i gymryd rhan mewn trafodaethau er bod ganddynt fuddiant rhagfarnus o dan y Cod. Yn ogystal â hyn, y Pwyllgor sy’n gyfrifol am oruchwylio’r protocol rhoddion a lletygarwch i’r Aelodau.

Mae'n ofynnol yn ôl statud i'r Pwyllgor gyfarfod unwaith y flwyddyn ond bydd yn cyfarfod ar adegau eraill yn ôl yr angen ac yn ogystal os bydd Aelod o'r Awdurdod yn ceisio caniatâd i siarad a/neu bleidleisio mewn Pwyllgor. Fel arfer, cynhelir y cyfarfodydd yn ystod y dydd ar amser y bydd Aelodau'r Pwyllgor yn cytuno arno ac mewn aml-leoliad h.y. yn swyddfeydd yr Awdurdod yn Noc Penfro ac ar-lein) yn unol ag adran 47 o Ddeddf Llywodraeth Leol ac Etholiadau (Cymru) 2021.

Mae’r Aelodau Annibynnol yn derbyn tâl yn unol â’r cyfraddau a bennir gan Gomisiwn Democratiaeth a Ffiniau Cymru. Y tâl ar hyn o bryd yw £210 y diwrnod (£105 am hanner diwrnod) hyd at uchafswm o 4 diwrnod y flwyddyn. Fel arall, rhoddir disgresiwn lleol i wneud taliad ar gyfradd o £26.25 yr awr.

Yr Aelodau Annibynnol

Bydd yn ofynnol i’r ymgeiswyr ddangos eu bod yn annibynnol ac yn ddiduedd wrth gynorthwyo’r Pwyllgor Safonau i hyrwyddo, cynnal a gwella’r trefniadau moesegol o fewn yr Awdurdod.

Mae gwaith y Pwyllgor yn ei gwneud yn ofynnol bod yr Aelodau Annibynnol yn meddu ar y nodweddion, y sgiliau a’r gofynion canlynol:

• Sgiliau gwrando;
• Y gallu i ddeall a phwyso a mesur y dystiolaeth;
• Y gallu i ddod i farn wrthrychol ac i egluro’r farn honno drwy gyfeirio at wybodaeth a thystiolaeth;
• Sgiliau o weithio fel rhan o dîm;
• Trin eraill â pharch a dealltwriaeth o faterion amrywiaeth;
• Bod yn ddoeth;
• Bod yn ddidwyll;
• Peidio â chymryd rhan weithgar mewn gwleidyddiaeth leol na chenedlaethol;
• Peidio â bod â hanes o anghydfod sylweddol â’r Awdurdod;
• Peidio â bod â pherthynas agos ag unrhyw Aelod/Swyddog o’r Awdurdod.

Nid oes angen meddu ar wybodaeth fanwl o lywodraeth leol er y byddai’n fanteisiol petai ymgeiswyr posibl â diddordeb mewn materion sy’n ymwneud â bywyd a gwasanaethau cyhoeddus.

Rhaid i Aelodau Annibynnol:

• Fod yn gymwys i’w dewis yn Aelod Annibynnol (gweler yr adran ‘Bod yn gymwys i gael eich dewis’);
• Bod yn uchel eu parch yn y gymuned;
• Bod yn gallu neilltuo’r amser i’r swydd;
• Bod yn gallu cyflwyno dau dystlythyr;
• Bod yn 18 oed a throsodd.

Bydd disgwyl i’r ymgeiswyr llwyddiannus ymgymryd â’u penodiadau yn syth a gwasanaethu am gyfnod o 5 mlynedd, os na therfynnir y swydd neu yr ymddiswyddir yn y cyfamser. Hefyd mae posibilrwydd ailbenodi am gyfnod pellach o 4 blynedd.

Y Pwyllgor Safonau

Mae’r Pwyllgor Safonau yn chwarae rhan ganolog yn y fframwaith moesegol sy’n rheoli ymddygiad Aelodau Awdurdod Parc Cenedlaethol Arfordir Penfro. Mae pob Aelod wedi ymrwymo i gadw at y Cod Ymddygiad, a phrif swyddogaeth y Pwyllgor yw hyrwyddo a chynnal safonau uchel o ymddygiad gan yr Aelodau hyn a’u cynorthwyo i lynu at God Ymddygiad yr Aelodau.

Mae rhai swyddogaethau penodol gan y Pwyllgor gan gynnwys ystyried cwynion bod yr Aelodau wedi torri’r Cod Ymddygiad, a phennu cosb lle bo hynny’n briodol. Hefyd y Pwyllgor sy’n ystyried ceisiadau gan yr Aelodau am oddefeb i’w caniatáu i gymryd rhan mewn trafodaethau er bod ganddynt fuddiant rhagfarnus o dan y Cod. Yn ogystal â hyn, y Pwyllgor sy’n gyfrifol am oruchwylio’r protocol rhoddion a lletygarwch i’r Aelodau.

Mae'n ofynnol yn ôl statud i'r Pwyllgor gyfarfod unwaith y flwyddyn ond bydd yn cyfarfod ar adegau eraill yn ôl yr angen ac yn ogystal os bydd Aelod o'r Awdurdod yn ceisio caniatâd i siarad a/neu bleidleisio mewn Pwyllgor. Fel arfer, cynhelir y cyfarfodydd yn ystod y dydd ar amser y bydd Aelodau'r Pwyllgor yn cytuno arno ac mewn aml-leoliad h.y. yn swyddfeydd yr Awdurdod yn Noc Penfro ac ar-lein) yn unol ag adran 47 o Ddeddf Llywodraeth Leol ac Etholiadau (Cymru) 2021.

Mae’r Aelodau Annibynnol yn derbyn tâl yn unol â’r cyfraddau a bennir gan Gomisiwn Democratiaeth a Ffiniau Cymru. Y tâl ar hyn o bryd yw £210 y diwrnod (£105 am hanner diwrnod) hyd at uchafswm o 4 diwrnod y flwyddyn. Fel arall, rhoddir disgresiwn lleol i wneud taliad ar gyfradd o £26.25 yr awr.

Yr Aelodau Annibynnol

Bydd yn ofynnol i’r ymgeiswyr ddangos eu bod yn annibynnol ac yn ddiduedd wrth gynorthwyo’r Pwyllgor Safonau i hyrwyddo, cynnal a gwella’r trefniadau moesegol o fewn yr Awdurdod.

Mae gwaith y Pwyllgor yn ei gwneud yn ofynnol bod yr Aelodau Annibynnol yn meddu ar y nodweddion, y sgiliau a’r gofynion canlynol:

• Sgiliau gwrando;
• Y gallu i ddeall a phwyso a mesur y dystiolaeth;
• Y gallu i ddod i farn wrthrychol ac i egluro’r farn honno drwy gyfeirio at wybodaeth a thystiolaeth;
• Sgiliau o weithio fel rhan o dîm;
• Trin eraill â pharch a dealltwriaeth o faterion amrywiaeth;
• Bod yn ddoeth;
• Bod yn ddidwyll;
• Peidio â chymryd rhan weithgar mewn gwleidyddiaeth leol na chenedlaethol;
• Peidio â bod â hanes o anghydfod sylweddol â’r Awdurdod;
• Peidio â bod â pherthynas agos ag unrhyw Aelod/Swyddog o’r Awdurdod.

Nid oes angen meddu ar wybodaeth fanwl o lywodraeth leol er y byddai’n fanteisiol petai ymgeiswyr posibl â diddordeb mewn materion sy’n ymwneud â bywyd a gwasanaethau cyhoeddus.

Rhaid i Aelodau Annibynnol:

• Fod yn gymwys i’w dewis yn Aelod Annibynnol (gweler yr adran ‘Bod yn gymwys i gael eich dewis’);
• Bod yn uchel eu parch yn y gymuned;
• Bod yn gallu neilltuo’r amser i’r swydd;
• Bod yn gallu cyflwyno dau dystlythyr;
• Bod yn 18 oed a throsodd.

Bydd disgwyl i’r ymgeiswyr llwyddiannus ymgymryd â’u penodiadau yn syth a gwasanaethu am gyfnod o 5 mlynedd, os na therfynnir y swydd neu yr ymddiswyddir yn y cyfamser. Hefyd mae posibilrwydd ailbenodi am gyfnod pellach o 4 blynedd.

Gradd 6 – £35,570 y flwyddyn
37 oriau yr wythnos
Cyfnod penodol tan chwefror 2028

Ydych chi’n angerddol am wirfoddoli a chysylltu mwy o bobl â natur?
Hoffech chi helpu i greu dyfodol mwy cynhwysol i wirfoddoli ar draws Parciau Cenedlaethol a Thirweddau Cenedlaethol Cymru?
Rydym yn chwilio am Gydlynydd Gwirfoddolwyr brwdfrydig sy’n mwynhau cydweithio i ymuno â Thirweddau Cymru Landscapes Wales (TCLW). Mae’r rôl newydd hon yn cynnig cyfle i ddod â phartneriaid at ei gilydd a datblygu fframwaith gwirfoddoli cenedlaethol sy’n cefnogi adferiad natur, gweithredu ar yr hinsawdd a chyfranogiad gydol oes.

Ynglŷn â’r rôl
Mae’n amser cyffrous i ymuno â TCLW wrth inni greu cyfnod newydd o gydweithio ar draws Tirweddau Dynodedig Cymru. Gyda chefnogaeth Rhaglen Grant Strategol Gwirfoddoli Cymru, a ariennir gan Lywodraeth Cymru ac a weinyddir gan Gyngor Gweithredu Gwirfoddol Cymru (WCVA), byddwch yn arwain y gwaith o gyflawni prosiect gwirfoddoli o bwys cenedlaethol o ddydd i ddydd.
Gan weithio gyda thimau Tirweddau Dynodedig, gwirfoddolwyr, mudiadau cymunedol a phartneriaid yn y sector gwirfoddol, byddwch yn adeiladu ar arferion da presennol i greu profiadau gwirfoddoli cyson o ansawdd uchel. Un o brif elfennau’r rôl fydd gwneud gwirfoddoli’n fwy hygyrch a chroesawgar, yn enwedig i bobl iau a chymunedau nad ydynt yn cael eu gwasanaethu’n ddigonol.
Rydym yn cynnig gweithio o bell, hybrid ac yn y swyddfa, ac mae ein swyddfa ym Mharc Llanion, Doc Penfro. Byddwch yn teithio’n rheolaidd ar draws Tirweddau Dynodedig Cymru ac yn mynychu cyfarfodydd ym Mharc Llanion a lleoliadau eraill yn ôl yr angen, gan weithio gyda’r nos ac ar benwythnosau o bryd i’w gilydd.

Beth fyddwch chi’n ei wneud?
• Cydlynu’r gwaith o gyflawni’r prosiect a mapio darpariaeth, cyfleoedd a rhwystrau gwirfoddoli ar draws Tirweddau Dynodedig Cymru.
• Meithrin partneriaethau a sefydlu Rhwydwaith Gwirfoddolwyr a Grŵp Llywio Prosiect i lywio’r gwaith a rhannu arferion da.
• Hwyluso ymgynghoriadau, gweithdai a gweithgareddau cyd-ddylunio gyda gwirfoddolwyr, mudiadau cymunedol a grwpiau nad ydynt yn cael eu gwasanaethu’n ddigonol.
• Datblygu a threialu fframwaith gwirfoddoli cenedlaethol sy’n cwmpasu recriwtio, llwybrau gwirfoddolwyr, cynefino, hyfforddiant, cynhwysiant, diogelu a rheoli risg.
• Cefnogi cyfleoedd gwirfoddoli arloesol, gan gynnwys ymgysylltu ag ieuenctid, llesiant, gwyddoniaeth dinasyddion, treftadaeth a gwirfoddoli digidol.
• Trefnu hyfforddiant a chyfnewidiadau dysgu, monitro canlyniadau, adrodd i gyllidwyr a rhannu dysgu i gefnogi cynaliadwyedd hirdymor.
Bydd gofyn cael archwiliad gan y Gwasanaeth Datgelu a Gwahardd ar gyfer y swydd hon. Mae cyfyngiadau gwleidyddol ar y rôl hon yn unol â Rheoliadau Llywodraeth Leol (Swyddi dan Gyfyngiadau Gwleidyddol) (Cymru) 2008.
Gweler y disgrifiad swydd (sydd ar gael i’w lawrlwytho) am ragor o wybodaeth.

Beth rydym yn chwilio amdano?
Rydym yn awyddus i glywed gan ymgeiswyr sydd â’r canlynol:
• Profiad o gydlynu gwirfoddolwyr, ymgysylltu â’r gymuned neu ddatblygu partneriaethau, ynghyd â phrofiad o gefnogi neu reoli prosiectau.
• Dealltwriaeth o reoli gwirfoddolwyr ac arferion da, cydraddoldeb, amrywiaeth a chynhwysiant, diogelu a rhwystrau rhag cymryd rhan.
• Sgiliau cyfathrebu, meithrin partneriaethau a hwyluso rhagorol, gyda’r gallu i weithio’n annibynnol a rheoli blaenoriaethau sy’n cystadlu â’i gilydd.
• Profiad o ymgysylltu â chymunedau amrywiol a monitro, gwerthuso ac adrodd ar ganlyniadau, ynghyd ag ymrwymiad i gynhwysiant a chynaliadwyedd amgylcheddol.

Cymwysterau a phrofiad
• Cymhwyster lefel gradd neu brofiad perthnasol cyfatebol.
• Trwydded yrru lawn y DU a pharodrwydd i deithio ledled Cymru.
• Sgiliau Cymraeg sylfaenol, neu ymrwymiad i ddatblygu’r sgiliau hyn yn unol â pholisïau’r sefydliad.
• Byddai cymhwyster mewn rheoli prosiectau, rheoli gwirfoddolwyr neu ddatblygu cymunedol, neu brofiad o brosiectau a ariennir gan grantiau, prosiectau cyd-ddylunio neu brosiectau amgylcheddol, yn fantais.

Cyflog a Buddion:
Cyflog o £35,570 y flwyddyn, lleiafswm o 25 diwrnod o wyliau yn codi i 30 diwrnod ynghyd â gwyliau cyhoeddus, cynllun pensiwn hael llywodraeth leol, trefniadau gwych o weithio oriau hyblyg a chyfleoedd datblygu gyrfa.

Rydym wedi ymrwymo i gyfle cyfartal i bob aelod o staff, ac anogir ceisiadau gan unigolion waeth beth fo'u hoedran, anabledd, rhyw, ailbennu rhywedd, cyfeiriadedd rhywiol, beichiogrwydd a mamolaeth, hil, crefydd neu gred a phriodas a phartneriaethau sifil.

Rydym yn addo gwella amrywiaeth ein gweithlu ac felly'n gwarantu cyfweliad i ymgeiswyr anabl, sy'n bodloni meini prawf hanfodol y swydd ac yn dewis gwneud cais drwy ein Cynllun Cyflogwyr Hyderus o ran Anabledd.
Rydym wedi ymrwymo i sicrhau bod ein proses recriwtio yn hygyrch i bawb. Os oes angen unrhyw addasiadau rhesymol arnoch ar unrhyw gam o’ch cais, anfonwch e-bost at personnel@pembrokeshirecoast.org.uk neu ffoniwch 01646 624800. Rydym yn croesawu ymgeiswyr sy’n defnyddio cwn cymorth a byddwn yn sicrhau y gallant fod gyda chi drwy gydol y broses recriwtio. Os oes angen unrhyw drefniadau penodol neu gymorth ychwanegol arnoch, rhowch wybod i ni a byddwn yn gwneud ein gorau i ddiwallu eich anghenion. Gellir darparu gwybodaeth mewn fformatau amgen, gan gynnwys Word, PDF hygyrch, print bras, sain a fformatau eraill ar gais.
Nid y swydd iawn i chi? Cofiwch gael golwg ar ein gwefan am ystod eang o gyfleoedd gwirfoddoli amrywiol a diddorol ar draws y Parc.

Dyddiad Cau: 15/11/2026
Mae Awdurdod Parc Cenedlaethol Arfordir Penfro yn neilltuo’r hawl i gau'r swydd wag hon yn gynnar.
Defnyddio Deallusrwydd Artiffisial a Chywirdeb Gwybodaeth:
• Deallwn y gall ymgeiswyr ddewis defnyddio offer megis deallusrwydd artiffisial cynhyrchiol i gynorthwyo’r gwaith o baratoi eu cais. Er y caniateir defnyddio’r cyfryw offer, cyfrifoldeb llwyr yr ymgeisydd yw sicrhau bod yr holl wybodaeth a gyflwynir yn ffeithiol gywir, yn wir, ac yn cynrychioli eu sgiliau, eu profiadau a'u cymwysterau hwy eu hunain.
• Gall cyflwyno gwybodaeth sy'n ffug, yn gamarweiniol, neu wedi'i gorliwio, p'un a gafodd y wybodaeth ei chynhyrchu gan Ddeallusrwydd Artiffisial ai peidio, olygu eich bod yn anghymwys i fod yn rhan o'r broses recriwtio neu olygu eich diswyddo os caiff hynny ei ddarganfod ar ôl penodi.
• Drwy gyflwyno'r cais hwn, rydych yn cadarnhau bod yr holl gynnwys a ddarperir yn gywir ac wedi'i gyflwyno'n ddidwyll.