Teitl y Swydd: Cyfrannwr Gweithgareddau a Digwyddiadau
Amser Gwaith: Gwaith penwythnos - 15 awr yr wythnos yn ystod tymor yr haf
Lleoliad: Castell Henllys
Cyflog: £24,404 – £25,584 pro rata
Math o Gontract: Bytholwyrdd (oriau haf blynyddol ar gontract, oriau achlysurol dros y gaeaf)

Rydym yn chwilio am unigolyn brwdfrydig a chyfeillgar i ymuno â'n tîm ar y safle treftadaeth unigryw ac ysbrydoledig, Castell Henllys. Os ydych yn angerddol am hanes Cymru, yr oes haearn, ac yn mwynhau ymgysylltu â phobl o bob oed – dyma’r swydd i chi.

Fel Cyfrannwr Digwyddiadau a Gweithgareddau, byddwch yn cynorthwyo’r gwaith o gyflawni gweithgareddau o ddydd i ddydd yng Nghastell Henllys. Mae hyn yn cynnwys helpu i redeg sesiynau ysgol rhyngweithiol, ymgysylltu â'r cyhoedd yn gyffredinol, a dod â'r Oes Haearn yn fyw.

Byddwch yn gweithio'n agos gydag aelodau eraill o’r staff i estyn croeso cynnes i ymwelwyr a helpu i sicrhau bod eu hamser ar y safle yn bleserus, yn addysgiadol, ac yn gofiadwy. Gellir cynnig oriau ychwanegol os neu phan fo angen. Bydd y swydd o bosibl yn cynnig oriau ychwanegol achlysurol yn dibynnu ar y galw.
Rydym yn chwilio am rywun sydd â’r canlynol:

• Diddordeb cryf yn yr Oes Haearn a hanes Cymru.
• Profiad o weithio mewn swydd sy'n delio â chwsmeriaid.
• Hyder wrth ymgysylltu â phlant a theuluoedd mewn amgylchedd dysgu.
• Y gallu i weithio'n hyblyg, gan gynnwys penwythnosau a gwyliau banc.
• Trwydded yrru lawn y DU.
• Sgiliau iaith Gymraeg (C1) - cyfeirier at y Fframwaith Cymhwysedd Iaith Gymraeg sydd ynghlwm.

Rydym wedi ymrwymo i gyfle cyfartal i bob aelod o staff, ac anogir ceisiadau gan unigolion waeth beth fo'u hoedran, anabledd, rhyw, ailbennu rhywedd, cyfeiriadedd rhywiol, beichiogrwydd a mamolaeth, hil, crefydd neu gred a phriodas a phartneriaethau sifil.

Rydym wedi ymrwymo i wella amrywiaeth ein gweithlu ac felly'n gwarantu cyfweliad i ymgeiswyr anabl, sy'n bodloni meini prawf hanfodol y swydd ac yn dewis gwneud cais drwy ein Cynllun Cyflogwyr Hyderus o ran Anabledd.

Dyddiad Cau: 31/01/2025

PARC CENEDLAETHOL ARFODIR PENFRO

Teitl: Swyddog Adnoddau

Lleoliad: Llanion ond bydd gofyn gweithio ar draws yr Awdurdod, ac opsiynau gweithio hybrid

Oriau a Chontract: Rhan-amser 0.6 CALl ar gontract tymor penodol tan 31 Mawrth 2028

Cyflog: £31,586 - £33,366 pro rata

Gwnewch effaith barhaol ym Mharc Cenedlaethol Penfro fel Swyddog Adnoddau.

Mae Parc Cenedlaethol Arfordir Penfro yn chwilio am Swyddog Adnoddau angerddol a rhagweithiol i ymuno â’u tîm Gwasanaethau Pobl. Wedi’ch lleoli ym Mharc Llanion ac yn gweithio ar draws yr Awdurdod, byddwch yn chwarae rhan allweddol wrth lunio gweithlu Awdurdod Parc Cenedlaethol Arfordir Penfro yn y dyfodol.

Yn y rôl newydd hon, byddwch yn arwain ar ddatblygu a darparu rhaglenni hyfforddiant a phrentisiaeth o ansawdd uchel, gan weithio'n agos ag ysgolion, colegau, prifysgolion ac elusennau. Bydd eich gwaith yn helpu i greu llwybrau cyflogaeth ystyrlon i bobl leol, gan gynnwys y rheini o gefndiroedd difreintiedig, tra’n cefnogi nodau’r Awdurdod ar gyfer cynaliadwyedd, cynhwysiant a bioamrywiaeth.

Byddwch yn cydweithio â thimau mewnol i nodi anghenion y gweithlu, symleiddio prosesau recriwtio, a hyrwyddo’r Awdurdod fel cyflogwr o ddewis. O gynllunio rhaglenni profiad gwaith strwythuredig i reoli lleoliadau hyfforddeion ac adrodd ar ddangosyddion perfformiad allweddol, bydd eich gwaith yn cyfrannu'n uniongyrchol at ein cenhadaeth o feithrin talent a chefnogi datblygiad cymunedol.

Rydym yn chwilio am rywun sydd â sgiliau cyfathrebu, rhwydweithio a threfnu cryf, ynghyd â phrofiad o recriwtio a gweithio mewn partneriaeth. Mae gradd mewn maes perthnasol, trwydded yrru lawn yn hanfodol a sgiliau Iaith Gymraeg B1 neu B2 yn hanfodol, tra bod gwirfoddoli a gwaith ieuenctid neu brofiad o weithio mewn amgylchedd ysgol yn ddymunol.

Os ydych chi’n greadigol, yn wydn ac yn angerddol am bobl a natur, dyma’ch cyfle i wneud gwahaniaeth gwirioneddol yn un o dirweddau mwyaf gwerthfawr y DU.

Mae Parc Cenedlaethol Arfordir Penfro wedi ymrwymo i gyfle cyfartal i bob aelod o staff, ac anogir ceisiadau gan unigolion waeth beth fo'u hoedran, anabledd, rhyw, ailbennu rhywedd, cyfeiriadedd rhywiol, beichiogrwydd a mamolaeth, hil, crefydd neu gred a phriodas a phartneriaethau sifil.

Rydym yn addo gwella amrywiaeth ein gweithlu ac felly'n gwarantu cyfweliad i ymgeiswyr anabl, sy'n bodloni meini prawf hanfodol y swydd ac yn dewis gwneud cais drwy ein Cynllun Cyflogwyr Hyderus o ran Anabledd.
________________________________________
Dyddiad cau: Hanner nos 15 Chwefror 2026
Dyddiad Cyfweliad: 23 Chwefror 2026