Uwch Gynllunydd
Llawn amser – 37 awr yr wythnos (am dymor penodol o flwyddyn i gychwyn gyda’r posibilrwydd o ddod yn swydd barhaol).

Dyma’r unig barc cenedlaethol arfordirol go iawn yng ngwledydd Prydain – lle mae clogwyni geirwon yn ymestyn i lawr i draethau hirfelyn, a dyffrynnoedd coediog yn arwain i fyny i fynyddoedd gwyllt mewndirol – wrth reswm, mae i gynllunio ran allweddol yn ein cyfrifoldeb am y lle arbennig hwn.

Diben y Swydd:

Drwy weithio gyda’r tîm Rheoli Datblygu, mae’r swydd Uwch Gynllunydd yn cynnig cyfle i gyfrannu at wasanaeth ymatebol sy’n anelu at fod yn hyrwyddwr egwyddorion ac arferion datblygu cynaliadwy. Ar yr un pryd, byddwch yn mwynhau byw a gweithio yn un o ardaloedd prydferthaf Prydain. Swydd tymor penodol o flwyddyn yw’r swydd hon yn y lle cyntaf gyda’r posibilrwydd o ddod yn swydd barhaol.

Prif Gyfrifoldebau:
Cymwysterau, Sgiliau a Phrofiad:
• Gyda phrofiad perthnasol o weithio mewn Rheoli Datblygu a delio ag amrediad o geisiadau cynllunio amlweddog a materion perthynol, bydd gennych radd mewn cynllunio, dealltwriaeth o’r materion cyfredol diweddaraf mewn llywodraeth leol a pharciau cenedlaethol yn ogystal â dealltwriaeth gadarn o’r system a’r prosesau cynllunio.

- Ymagwedd gadarnhaol at faterion Rheoli Datblygu ac at gwsmeriaid/ rhanddeiliaid, gyda’r gallu i ddelio’n effeithiol â chwsmeriaid a sefyllfaoedd anodd.

- Bod yn ymwybodol o ddylunio da ac arddulliau cynhenid lleol a’u gwerthfawrogi, a phrofiad o egwyddorion ac arferion dylunio cynaliadwy.

- Y gallu i gyfathrebu’n effeithiol ar lafar ac yn ysgrifenedig ar bob mater cynllunio a gorfodi, a chyd-drafod modd priodol o ddatrys materion a gwneud gwelliannau lle bynnag y bo’n bosibl.

- Y gallu i weithio fel aelod hunanysgogol o dîm sy’n cyflawni gwaith i derfynau amser ac o fewn adnoddau y cytunwyd arnynt.

- Yn fedrus iawn mewn trefnu a rheoli gweithio mewn tîm a sgiliau ardderchog o reoli amser.

- Sgiliau Technoleg Gwybodaeth ardderchog, a’r gallu i gofnodi gwybodaeth yn ofalus iawn.

- Ffefrir ymgeiswyr sydd â phrofiad o orfodi rheoliadau cynllunio a’r gallu i siarad Cymraeg.

Cyflog a Buddion:
Cyflog sylfaenol rhwng £27,741 a £32,234 (yn dibynnu ar gymwysterau a phrofiad), lleiafswm o 23 diwrnod o wyliau, yn codi i 28 diwrnod, ynghyd â gwyliau cyhoeddus, cynllun pensiwn llywodraeth leol, trefniadau gweithio hyblyg, a chyfleoedd datblygu gyrfa.

Lleolir y swydd yn ein Pencadlys yn Noc Penfro gyda’r cyfle i weithio o gartref os cymeradwyir hynny neu weithio o swyddfeydd lloeren. Mae'r Pencadlys yn Noc Penfro yn 8 munud o gerdded o'r orsaf reilffordd agosaf, mae gennym gyfleusterau parcio beiciau diogel a digon o le i barcio ceir. Hefyd rydym yn gweithredu cynllun ceir yr Awdurdod ar gyfer ymweliadau safle.

Dyddiad Cau: 26:02:21

Goruchwylydd – Castell Henllys
Llawn amser - 37 awr yr wythnos
Castell Henllys yw'r unig bentref Oes Haearn ym Mhrydain a ailadeiladwyd ar yr union safle lle'r oedd ein cyndeidiau Celtaidd yn byw 2000 o flynyddoedd yn ôl. Y Parc Cenedlaethol yw perchennog a rheolwr y safle, sy’n cynnig amrywiaeth eang o ddigwyddiadau a gweithgareddau a rhaglen ysgolion fywiog sy'n cynnig gwersi o'r gorffennol i'n helpu i warchod y dirwedd lle’r ydym yn byw heddiw.

Bydd y Goruchwylydd yn arwain tîm profiadol i sicrhau bod pob ymwelydd yn cael profiad rhagorol. Ymhlith y cyfrifoldebau bydd masnachu, marchnata, digwyddiadau a gweithgareddau, cadw ty a chynnal a chadw’r safle.

Sgiliau a Phrofiad:
- Profiad o oruchwylio a rheoli safle yn y maes rheoli hamdden / twristiaeth / ymwelwyr.
- Lefelau rhagorol o wasanaeth i gwsmeriaid ynghyd â phrofiad mewn manwerthu gan gynnwys systemau til a stoc.
- Yn frwd dros hanes a diwylliant Cymru ynghyd â dealltwriaeth ac ymwybyddiaeth o ddibenion y Parc Cenedlaethol.
- Sgiliau trefnu, gweinyddu a TG rhagorol ynghyd â'r gallu i gyfathrebu'n rhugl yn y Gymraeg.

Bydd yn ofynnol i'r ymgeisydd llwyddiannus gael cliriad DBS.

Cyflog a Buddiannau:
Cyflog sylfaenol hyd at £21,748, lleiafswm o 23 diwrnod o wyliau a gwyliau cyhoeddus, cynllun pensiwn llywodraeth leol, trefniadau gweithio hyblyg, cyfleoedd datblygu gyrfa.

Dyddiad Cau: 26 Chwefror 2021