Awdurdod Parc Cenedlaethol Arfordir Penfro

Cynorthwyydd Arlwyo – Castell a Melin Lanw Caeriw
Cyfnod Penodol (Cychwyn: Gynted ag y bo modd – Dod i ben: 05/11/2024)

Mae cyfle cyffrous wedi codi yng Nghastell Caeriw i Gynorthwyydd Arlwyo ymuno â thîm brwdfrydig o unigolion sy’n ymroddedig i gyflwyno profiadau o’r radd flaenaf i ymwelwyr mewn lleoliad ysblennydd.
Mae gan Gastell Caeriw ym Mharc Cenedlaethol Arfordir Penfro hanes hynod ddiddorol sy’n ymestyn dros 2000 o flynyddoedd a mwy. Agorodd Ystafell De Nest yn y Castell yn 2018; mae'n ystafell de glyd, golau a modern sy'n gweini dewis helaeth o ginio ysgafn, cacennau cartref a the a choffi.
Dyfarnwyd y 'Wobr Twristiaeth Gynaliadwy' ac 'Atyniad Ymwelwyr y Flwyddyn' i’r tîm gwasanaethau ymwelwyr yng Nghastell Caeriw gan Wobrau Croeso Sir Benfro yn 2023.

Rydym yn chwilio am rywun sydd â:
• Phrofiad o weithio mewn caffi neu mewn amgylchedd arlwyo
• Sgiliau gwasanaeth cwsmer
• Y gallu i fod yn ddigyffro dan bwysau, yn ddibynadwy, yn gyfeillgar ac yn groesawgar
• Lefel 1 Hylendid a Diogelwch Bwyd
Cyfeirier at y disgrifiad swydd (ar gael drwy ei lawrlwytho) am ragor o wybodaeth.

Cyflog a Buddion:

Mae amrywiaeth o batrymau gwaith ar gael i weddu i'r rhai sy'n chwilio am waith rhan amser, megis ar y penwythnos / gwyliau ysgol / tymor ac oriau ysgol.
Cyflog o £11.59 yr awr, ynghyd â lwfans byw atodol lle bo’n berthnasol. Lleiafswm o 25 diwrnod o wyliau yn codi i 30 diwrnod ynghyd â gwyliau cyhoeddus (pro rata) a chynllun pensiwn hael llywodraeth leol.

Rydym wedi ymrwymo i gyfle cyfartal i bob aelod o staff ac anogir ceisiadau gan unigolion waeth beth fo’u hoedran, anabledd, rhyw, ailbennu rhywedd, cyfeiriadedd rhywiol, beichiogrwydd a mamolaeth, hil, crefydd neu gred a phriodas a phartneriaethau sifil.

Rydym yn addo gwella amrywiaeth ein gweithlu ac felly'n gwarantu cyfweliad i ymgeiswyr anabl sy'n bodloni meini prawf hanfodol y swydd ac yn dewis gwneud cais drwy ein Cynllun Cyflogwyr Hyderus o ran Anabledd.

Dyddiad Cau: 01 Mai 2024

Awdurdod Parc Cenedlaethol Arfordir Penfro

Swyddog Cynnal a Chadw Llanion
Rhan Amser (14 awr yr wythnos) – Parhaol

Oes gennych chi brofiad o fod yn ofalwr, gwneud gwaith cynnal a chadw, goruchwylio adeiladau neu gefndir DIY neu grefft? Mae gan Awdurdod Parc Cenedlaethol Arfordir Penfro gyfle cyffrous newydd i ymuno â’n hadran Gwasanaethau Llanion fel Swyddog Cynnal a Chadw Parc Llanion.
Fel rhan o'r swydd hon, byddwch yn sicrhau bod yr adeilad, y gofodau mewnol a'r tiroedd yn amgylchedd gweithio saff a diogel a dymunol i’r staff ac i’r ymwelwyr. Mae hyn yn cynnwys gwneud gwaith ymarferol, goruchwylio staff contract a gwneud gwaith cydymffurfio a monitro.

Byddwch yn gwneud gwaith cynnal a chadw cyffredinol gan gynnwys addurno, gwaith plymio a draenio sylfaenol ac ailosod a chynnal a chadw gosodiadau a ffitiadau. Hefyd bydd deiliad y swydd yn cynnal gwiriadau sylfaenol ar y tiroedd a’r adeiladau, gan sicrhau diogelwch y safle, rheoli ailgylchu yn effeithiol a rheoli’r modd y mae’r system wresogi biomas yn gweithio yn ddyddiol.

Rydym yn chwilio am rywun sydd â:
• Gwybodaeth sylfaenol o dasgau cynnal a chadw cyffredinol, a'r gallu i wneud mân atgyweiriadau.
• Profiad fel gofalwr a chynnal a chadw.
• Cymwysterau neu brofiad perthnasol mewn cefndir crefft.
• Y gallu i gadw cofnodion electronig sylfaenol.

Noder os gwelwch yn dda mai swydd yw hon i weithio 14 awr yr wythnos, a rhywfaint o hyblygrwydd i gyflenwi shifftiau eraill. Oriau gwaith: 07:30 - 10:30 a 14:00 – 18:00.

Cyfeirier at y disgrifiad swydd (ar gael drwy ei lawrlwytho) am ragor o wybodaeth.

Cyflog a Buddion:

Cyflog o £23,500 - £23,893, pro rata, (i’w adolygu dan adolygiad cyflogau a graddfeydd), isafswm o 25 diwrnod o wyliau yn codi i 30 diwrnod ynghyd â gwyliau cyhoeddus (pro rata), cynllun pensiwn hael llywodraeth leol, trefniadau o weithio oriau hyblyg a chyfleoedd datblygu gyrfa.

Rydym wedi ymrwymo i gyfle cyfartal i bob aelod o staff ac anogir ceisiadau gan unigolion waeth beth fo’u hoedran, anabledd, rhyw, ailbennu rhywedd, cyfeiriadedd rhywiol, beichiogrwydd a mamolaeth, hil, crefydd neu gred a phriodas a phartneriaethau sifil.

Rydym yn addo gwella amrywiaeth ein gweithlu ac felly'n gwarantu cyfweliad i ymgeiswyr anabl sy'n bodloni meini prawf hanfodol y swydd ac yn dewis gwneud cais drwy ein Cynllun Cyflogwyr Hyderus o ran Anabledd.

Dyddiad Cau: 01 Mai 2024