Addysg/Dehongli
Parcmon Cynorthwyol Tymhorol Castellmartin
Cymru
Awdurdod Parc Cenedlaethol Arfordir Penfro
Parcmon Cynorthwyol Tymhorol Castellmartin
Rhan Amser (15 awr yr wythnos) – Cyfnod Penodol: 13/10/2024
Mae Maes Tanio Castellmartin nid yn unig yn un o feysydd hyfforddi milwrol pwysicaf y DU lle mae tanio byw yn digwydd yn ddyddiol, ond hefyd mae’n gartref i rai o nodweddion arfordirol mwyaf gwerthfawr y Parc Cenedlaethol a’r bywyd gwyllt mwyaf prin. Mae miloedd o ymwelwyr yn ymweld â’r Maes bob blwyddyn sy’n dod i fwynhau’r clogwyni epig a’r golygfeydd ysgubol, y bywyd gwyllt ysblennydd a’r hanes a’r archaeoleg unigryw.
Mae cyfle newydd cyffrous gan y Parc i ymuno â ni fel Parcmon Tymhorol Castellmartin. Mae’r Gwasanaeth Parcmyn Castellmartin yn bartneriaeth unigryw rhwng y Weinyddiaeth Amddiffyn, yr Awdurdod Parc Cenedlaethol a Chyfoeth Naturiol Cymru. Rôl y Parcmon Cynorthwyol yw ein helpu i sicrhau nad yw’r bywyd gwyllt arbennig ar y Meysydd megis adar sy’n nythu ar glogwyni a morloi, yn cael eu haflonyddu gan weithgareddau hamdden.
Byddwch yn gweithio’n agos gyda dringwyr clogwyni ac ymwelwyr eraill a pherchnogion milwrol y Maes Tanio, i wneud yn siwr bod trefniadau mynediad yn rhedeg yn esmwyth, y bywyd gwyllt yn cael ei fonitro’n effeithiol, a bod ymwelwyr yn cael diwrnod gwych. Fel rhan o'r rôl, byddwch yn rhan o’r gwaith o sicrhau bod y mannau mynediad cyhoeddus i'r Meysydd Tanio yn rhydd o sbwriel ac yn cael eu cynnal a'u cadw'n dda, tra hefyd yn cyfrannu at gynnal a chadw byrddau gwybodaeth ac arwyddion. Byddwch hefyd yn cofnodi niferoedd yr ymwelwyr a gweithgareddau ar y Meysydd ac yn cynnal arolygon cadwraeth.
Rydym yn chwilio am rywun sydd â:
• Gwybodaeth am yr amgylchedd arfordirol.
• Sgiliau adnabod bywyd gwyllt.
• Profiad mewn rôl debyg yn yr awyr agored, cefn gwlad neu rôl amgylcheddol.
• Profiad o ddelio â'r cyhoedd/ cwsmeriaid.
• Trwydded yrru lawn, ddilys, y DU.
• Cymhwyster ôl-16 mewn pwnc perthnasol, neu brofiad gwaith perthnasol digonol.
• Y gallu i ddilyn gofynion iechyd a diogelwch.
Cyfeirier at y disgrifiad swydd (ar gael drwy ei lawrlwytho) am ragor o wybodaeth. Sylwer bod y rôl hon yn rôl rhan amser ar y penwythnosau yn unig. Bydd diwrnodau ychwanegol o bryd i'w gilydd i gyflenwi ar wyliau banc ac ar gyfer hyfforddiant hanfodol.
Cyflog a Buddion:
Cyflog o £23,500 - £23,893, pro rata, y flwyddyn, (i’w adolygu dan adolygiad cyflogau a graddfeydd), isafswm o 25 diwrnod o wyliau yn codi i 30 diwrnod ynghyd â gwyliau cyhoeddus (pro rata), cynllun hael pensiwn llywodraeth leol, trefniadau gwych o weithio oriau hyblyg a chyfleoedd datblygu gyrfa.
Rydym wedi ymrwymo i gyfle cyfartal i bob aelod o staff ac anogir ceisiadau gan unigolion waeth beth fo’u hoedran, anabledd, rhyw, ailbennu rhywedd, cyfeiriadedd rhywiol, beichiogrwydd a mamolaeth, hil, crefydd neu gred a phriodas a phartneriaethau sifil.
Rydym yn addo gwella amrywiaeth ein gweithlu ac felly'n gwarantu cyfweliad i ymgeiswyr anabl sy'n bodloni meini prawf hanfodol y swydd ac yn dewis gwneud cais drwy ein Cynllun Cyflogwyr Hyderus o ran Anabledd.
Dyddiau Cau: 02 Ebrill 2024
Cyfweliadau i’w cynnal ddydd Mercher 17 Ebrill 2024.
Gwasanaethau Ymwelwyr
Parcmon Tymhorol Gweithgareddau a Digwyddiadau
Cymru
Awdurdod Parc Cenedlaethol Arfordir Penfro
Parcmon Tymhorol Gweithgareddau a Digwyddiadau
Llawn Amser (37 awr yr wythnos) – Cyfnod Penodol: Tua 22/04/2024 - 03/11/2024
Ydy'r syniad o weithio yn yr unig barc cenedlaethol yn y DU sy'n cynnwys tirweddau arfordirol yn bennaf yn apelio i chi? Mae cyfle newydd gan y Parc i ymuno â’n hadran Twristiaeth Adfywiol fel Parcmon Tymhorol Gweithgareddau a Digwyddiadau, yn gweithio yn rhai o leoliadau mwyaf poblogaidd a hardd Sir Benfro. Byddwch yn cynrychioli'r Awdurdod, yn cyflwyno gweithgareddau a digwyddiadau ar hyd a lled y Parc Cenedlaethol, gan ganolbwyntio ar gysylltu â natur a threftadaeth ddiwylliannol Sir Benfro.
Fel rhan o'r rôl byddwch yn cynllunio, yn hyrwyddo ac yn cyflwyno gweithgareddau i gynyddu mwynhad a dealltwriaeth o'r Parc Cenedlaethol tra'n creu mwy o incwm i’r Awdurdod. Byddwch yn gweithio gyda’r Rheolwr Gweithgareddau a Digwyddiadau i arallgyfeirio gwaith y tîm parcmyn tymhorol ac yn cynorthwyo’r Tîm Twristiaeth Adfywiol ehangach, gan gynnwys mewn digwyddiadau ar raddfa fwy, ac yn goruchwylio ac arwain gwirfoddolwyr.
Byddwch yn datblygu gweithgareddau i ddenu a meithrin hyder mewn cynulleidfaoedd amrywiol, gan eu galluogi i brofi a mwynhau'r awyr agored yn ddiogel. Hefyd byddwch yn creu cynnwys digidol ar gyfer marchnata a hyrwyddo, ac yn cadw cofnodion dyddiol cywir o bob gwaith a gweithgaredd. Byddwch yn cael defnyddio cerbyd yr APCAP i’ch cludo o amgylch y Parc Cenedlaethol ac ar gyfer dyletswyddau beunyddiol o ddydd i ddydd.
Rydym yn chwilio am rywun sydd â:
• Gwybodaeth am ddibenion a rhinweddau arbennig y Parc Cenedlaethol a brwdfrydedd dros yr amgylchedd naturiol.
• Profiad profedig mewn rôl sy'n dod wyneb yn wyneb â chwsmeriaid.
• Angerdd dros gynnwys plant mewn dysgu drwy weithgaredd.
• Sgiliau da mewn technoleg gwybodaeth a chyfathrebu.
• Y gallu i weithio'n hyblyg gan gynnwys penwythnosau, gyda’r hwyr a gwyliau banc.
• Trwydded yrru lawn y DU.
Cyfeirier at y Disgrifiad Swydd (ar gael i'w lawrlwytho) am ragor o wybodaeth.
Cyflog a Buddion:
Cyflog o £23,500 i £23,893 y flwyddyn (i’w adolygu dan adolygiad cyflogau a graddfeydd), isafswm o 25 diwrnod o wyliau yn codi i 30 diwrnod ynghyd â gwyliau cyhoeddus, cynllun hael pensiwn llywodraeth leol, trefniadau gwych o weithio oriau hyblyg, a chyfleoedd datblygu gyrfa.
Rydym wedi ymrwymo i gyfle cyfartal i bob aelod o staff ac anogir ceisiadau gan unigolion waeth beth fo’u hoedran, anabledd, rhyw, ailbennu rhywedd, cyfeiriadedd rhywiol, beichiogrwydd a mamolaeth, hil, crefydd neu gred a phriodas a phartneriaethau sifil.
Rydym yn addo gwella amrywiaeth ein gweithlu ac felly'n gwarantu cyfweliad i ymgeiswyr anabl sy'n bodloni meini prawf hanfodol y swydd ac yn dewis gwneud cais drwy ein Cynllun Cyflogwyr Hyderus o ran Anabledd.
Dyddiau Cau: 02 Ebrill 2024
Rheoli Datblygu/Gorfodi
Cynorthwyydd Gweinyddol Rheoli Datblygu
Cymru
Awdurdod Parc Cenedlaethol Arfordir Penfro
Cynorthwyydd Gweinyddol Rheoli Datblygu
Rhan Amser (14.8 awr yr wythnos) – Parhaol
A yw chwarae rhan allweddol mewn darparu gwasanaeth effeithlon a chywir o weinyddu rheoli datblygu yn apelio i chi? Parc Cenedlaethol Arfordir Penfro yw unig barc cenedlaethol arfordirol gwledydd Prydain, lle mae clogwyni garw yn disgyn i draethau melyn, a dyffrynnoedd coediog yn arwain at fryniau mewndirol gwyllt - mae cynllunio wrth reswm yn chwarae rhan allweddol yn ein cyfrifoldeb am y lle arbennig hwn.
Mae gan Awdurdod Parc Cenedlaethol Arfordir Penfro gyfle cyffrous newydd i ymuno â ni fel Cynorthwyydd Gweinyddol Rheoli Datblygu. Fel rhan o'r swydd hon, byddwch yn rhoi ystod lawn o gymorth technegol gan gynnwys dyletswyddau gweinyddol cyffredinol, digideiddio haenau mapiau, mewnbynnu cronfa ddata arbenigol a sicrhau ffeilio’n gywir yn electronig.
Hefyd byddwch yn ymateb i ymholiadau a cheisiadau o amrywiol ffynonellau, yn cofrestru ceisiadau cynllunio ac ymholiadau cyn-ymgeisio ac yn paratoi rhestr wythnosol o geisiadau cynllunio, hysbysiadau safle a hysbysebion, tra’n cydymffurfio â deddfwriaeth Rheoliadau Cyffredinol ar Ddiogelu Data.
Rydym yn chwilio am berson sydd â:
• Sgiliau llythrennedd cyfrifiadurol da a bod yn gymwys i weithio ar Excel, gan gynnwys mewnbynnu data a digideiddio haenau mapiau.
• Sgiliau cyfathrebu ysgrifenedig a llafar da a safonau uchel o gywirdeb a bod yn ddibynadwy.
• Profiad profedig o weinyddiaeth swyddfa.
• Saesneg a Mathemateg ar lefel TGAU neu gyfatebol.
Cyfeirier at y disgrifiad swydd (ar gael drwy ei lawrlwytho) am ragor o wybodaeth.
Cyflog a Buddion:
Cyflog o £23,500 - £23,893, pro rata, y flwyddyn (i’w adolygu dan adolygiad cyflogau a graddfeydd), isafswm o 25 diwrnod o wyliau yn codi i 30 diwrnod ynghyd â gwyliau cyhoeddus (pro rata), cynllun pensiwn hael llywodraeth leol, trefniadau gwych o weithio oriau hyblyg, a chyfleoedd datblygu gyrfa.
Rydym wedi ymrwymo i gyfle cyfartal i bob aelod o staff, ac anogir ceisiadau gan unigolion waeth beth fo’u hoedran, anabledd, rhyw, ailbennu rhywedd, cyfeiriadedd rhywiol, beichiogrwydd a mamolaeth, hil, crefydd neu gred a phriodas a phartneriaethau sifil.
Rydym yn addo gwella amrywiaeth ein gweithlu ac felly'n gwarantu cyfweliad i ymgeiswyr anabl sy'n bodloni meini prawf hanfodol y swydd ac yn dewis gwneud cais drwy ein Cynllun Cyflogwyr Hyderus o ran Anabledd.
Dyddiau Cau: 15 Mawrth 2024
Ystadau/Meysydd Parcio
Cynorthwyydd Tymhorol Meysydd Parcio
Cymru
Awdurdod Parc Cenedlaethol Arfordir Penfro
Cynorthwyydd Tymhorol Meysydd Parcio
Llawn Amser (37 awr yr wythnos) – Cyfnod Penodol: 31/09/2024
Ydy’r syniad o weithio yn yr awyr agored mewn rhai o leoliadau harddaf Parc Cenedlaethol Arfordir Penfro yn apelio i chi? Mae cyfle newydd gan y Parc i ymuno â’n Tîm Datgarboneiddio fel Cynorthwyydd Meysydd Parcio.
Mae’r Awdurdod Parc Cenedlaethol yn rheoli tua 40 o feysydd parcio a mannau parcio ac yn codi tâl am barcio mewn 14 ohonynt. Bydd y rôl yn cynnwys gyrru rhwng sawl safle ar draws yr Awdurdod a bod yn gyfrifol am gasglu arian o beiriannau Talu ac Arddangos. Hefyd byddwch yn didoli ac yn cysoni’r arian a gasglwyd, yn ogystal â gwneud gwaith cynnal a chadw sylfaenol ar y peiriannau Talu ac Arddangos ynghyd â chynnal a chadw sylfaenol ar y meysydd parcio.
Rydym yn chwilio am rywun sydd â:
• Trwydded yrru lawn, ddilys, y DU.
• Profiad o drafod arian parod a gallu da o drin rhifau ar gyfer cadw cofnodion.
• Profiad o weithio mewn rôl sy'n ymdrin â'r cyhoedd wyneb yn wyneb.
• Gallu mecanyddol a phrofiad o wneud gwaith cynnal a chadw ar beiriannau Talu ac Arddangos.
• Y gallu i weithio heb oruchwyliaeth, a bod yn ddibynadwy ac yn ddidwyll.
Cyfeirier at y disgrifiad swydd (ar gael drwy ei lawrlwytho) am ragor o wybodaeth.
Cyflog a Buddion:
Cyflog o £22,366 i £22,737 y flwyddyn (i’w adolygu dan adolygiad cyflogau a graddfeydd), isafswm o 25 diwrnod o wyliau yn codi i 30 diwrnod ynghyd â gwyliau cyhoeddus, cynllun pensiwn hael llywodraeth leol, trefniadau gwych o weithio oriau hyblyg, a chyfleoedd datblygu gyrfa.
Rydym wedi ymrwymo i gyfle cyfartal i bob aelod o staff ac anogir ceisiadau gan unigolion waeth beth fo’u hoedran, anabledd, rhyw, ailbennu rhywedd, cyfeiriadedd rhywiol, beichiogrwydd a mamolaeth, hil, crefydd neu gred a phriodas a phartneriaethau sifil.
Rydym yn addo gwella amrywiaeth ein gweithlu ac felly'n gwarantu cyfweliad i ymgeiswyr anabl sy'n bodloni meini prawf hanfodol y swydd ac yn dewis gwneud cais drwy ein Cynllun Cyflogwyr Hyderus o ran Anabledd.
Dyddiau Cau: 01 Ebrill 2024
Job Alerts
Can’t see the role you want? Register your details with us to be notified when we’re hiring!